Asteazkena, 2012(e)ko apirila(r)en 04-(e)an 16:40etan
Asta Kask Suediar talde mitikoa Euskal Herrian izango da Apirilaren erdialdean. "Civilizate tour 2012" biraren barnean Arrasaten joko dute.
70.hamarkadaren amaieran sorturiko taldea da Asta Kask, Suedian, punk musikan aintzindariak eta ezinbesteko erreferenteak. 80.hamarkadaren hasieran diskoak eta kontzertuak tartekatu zitutzen, denak, punk historian ezinbestekoak bilakatu direlarik. 2003an elkartu ziren berriz ere, eta 20 urteko isilunea apurtuz, aro berri batean sartu zen banda. Geroztik, estudioko diskoak eta mundu mailako kontzertu birak tartekatu dituzte, Ameriketako Estatu Batuetan eta Japonian izan direlarik besteak beste. 2008an Euskal Herrian izan genituen, eta argi utzi zuten taldearen musika egoera bikaina.
Beraiekin batera, Material Rechazado, Kaleko Urdangak eta Dictadura taldeak ariko dira.
Material Rechazado taldea arrasaten sorturiko punk taldea da. Eskorbuto taldearen eraginak dituen taldea da honakoa, giro ilunak jorratzen dituztelarik.
Kaleko Urdangak, berriz, Bergara aldean sorturiko Bardulia Skinhead Rock 'N' Roll taldea da. Aurretik Doubling Boys bezalako taldean ibilitakoak, esperientzia pilatu dute taula gainean.
Dictadura gaueko azken taldea izango da. Zarautzetik, hardcore punk musika azkarra ta zuzena landuz.
Kontzertu honetatik ateratzen diren etekinak Itxungi irrati librearen alde bideratuko dira.
Musika taldeak sarean:
http://astakask.com/
https://www.facebook.com/astakaskofficial
http://www.myspace.com/materialrechazado
https://www.facebook.com/kalekourdangak
